~為乜~
『放低尊嚴, 放低個性, 放低固執, 都係因為放唔低果個人。』

~快樂~                                                                                                                                                 『喜歡一個人，係唔會有痛苦。愛一個人，或者有較長嘅痛苦，但係比你嘅快樂，可能係世上最大嘅快樂。』

~痛苦~   
比你快樂果個人，就係比你痛苦嘅人。』

~失望~
『失望，有時候都係一種幸福，因為有期待，所以先會失望，因為有愛，先會有期待，就算失望，都係一種幸福。』

~愛~
『愛一個人係好難嘅，放棄自己心愛嘅人就更加難。』
~忘記~
『如果無辨法忘記佢，就唔好忘記。真正嘅忘記，是唔洗努力去忘記嘅。
~伴侶~
『只係想揾一個喺失意嘅時候，可以開解或分擔自己嘅眼淚，喺快樂嘅時候，可以一齊分享個中樂趣。』
~歲月~
『當時間過去，我地會忘記咗曾經義無反顧咁愛過一個人，忘記咗佢嘅溫柔，忘記咗佢為自己做嘅一切。自己對佢再無Feel，自己唔愛佢。點解會咁樣？原來愛情輸咗比歲月。愛情使你忘記時間，時間使你忘記愛情。』

~缺點~
『佢有咩好處我係唔知架,但係佢有一個好大嘅缺點...我係知道,佢係唔愛我,哩個缺點唔夠大咩?』
 

曾幾何時，我地為咗一個人而生存。 佢嘅喜怒哀樂，就等於我嘅喜怒哀樂。冇咗佢就等於冇咗自己。為一個人而生存，或者係幸福。 如果一但失去咗佢，係唔係又要去揾另外一個，然後再為佢生存。 當你曾經好努力咁為一個人生存，你會即時醒咗，可以為自己而生存，可以為自己嘅夢想而生存，比起剩係為一個人而生存，實際得多。  

  講我愛你哩三個字，根本無咩原因。唔係因為你似我或者你啱啱同我相反。 唔係一種心理補償，唔係你擁有D乜嘢優點，乜嘢條件，亦唔係因為你點樣對我。唔好問我點解愛你，如果我答到嘅話，果D原因只不過係我喺事後老作出來。
如果我唔愛你，都冇咩原因。唔一定係你有咩唔好或者係你特別好。 我覺得自己唔愛你，就係唔愛你。如果有理由嘅話，都係我用嚟呃自己。等自己好過D！
 

  識珍惜時間嘅人，好少會愛錯人。點解有D人嘅感情會搞到一塌湖塗，通常都係我地鍾意浪費時間，以為自己浪費得起，衰咗咪嚟過呶！